Jokin Irigoien
Etxe pareko laugarren solairuanikusi nituen aurreko egunean:
zapata pilak dira leihoetan,
izkutatu beharrik eza, agerian.
Jende beltzak nahas-mahasean
han dira gela partekatuetan:
norbere usainak aireratu nahian
zapatak leihoratzen dituztenean.
Irudikatzen ditut elkarbizitzan
premiak beharturiko joan-etorrian:
neure buruko anabasak, agian,
nahasten ditu halabeharrean.
Bada, baldintzarik eskasenetan
ari dira elkarren errespetuan:
jende pilak ez du, derrigorrean,
bortxatzen duintasuna denean.
No hay comentarios:
Publicar un comentario